WELKOM 
BIJ ZWOERVLEIS!

Meziek met un zachte G en unne sjerrepe rafelrand

Aaid weure is niks veur mietjes....

Friet met ZwoerVleis bij Athos 13 december 2017

Wat? Friet met ZwoerVleis!
Boe? Athoslaan 12 a bij Athos Eet!
Wienie? Goonsdag 13 December 2017
 

Athos Eet maakt lekker zacht en kruijig Zoervleis, met knapperige friet vaan gooj eerapelle
ZwoerVleis maak dialekmeziek met un zachte G en unne sjerrepe rafelrand
Kom friet ete met ZwoerVleis bij Athos: kom smikkele, luustere en loere

Ut ete kos mer € 9,50 en de meziek is gratis... D'r is zellefs vegetarisch ZwoerVleis!!

 

Facebook melding

Inkel un Facebook melding op:

https://www.facebook.com/zwoervleis/

"Gespäöld met Dr. Jean en Dr. John... En d'r ligk weer get in ut vet veur December...

Haw www.zwoervleis.nl in de gate!"

weg met alle eikels

Us is opgevalle tot in Google gaaroet gein rizzeltaote gevoonde weure bij de toch neet bepaald neet veur de hand liggende zin "Weg met alle eikels" 

Is dit unne gemiste kans? Volleges miech wel, en P. zeet tot heer veural hiel erg onder de indruk is vaan ut soppegreun in zien sigaret.... 

 

Veer zalle wel zien...

Jean vervolgt...

Jean heet ut volgende towgevoog aon de verklaoring vaan gister:

 

"Laot miech daan ouch gehuur geven aon ut gevolg. Jao, iech bin sjuldig en jao ut deit peijn. Soms vreug ut leeve diech get lieger te zinge, un tuunsje....

Es ut leeve aon diech veurbeij raos es ut volgend Fyra debakel en de raajer kraake opnder ut neet aoflaotend geweld vaan het vacuum dat stilstand heit, jao daan weitste tot ste aon de poorte vaan dien Hel aon bis belandt. 

Veur noe zit d'r niks aanders mie op es op te sjravele, m'n maskers aof te zette en allein nog mer te uute boe Slivvenier miech wel riekelik met heet bedeild. De stum en de vruntsjappe."

 

Aldus Jean Dejong...

 

Weurt nog steeds vervolg....

Lang gewacht... te lang?

Hoi allemaol! lang gewach, lang getwiefeld, mer de kogels is noe door de kerrek. D'r is heij vaal alles gebäörd boedoor ZwoerVleis in un soort vaan communicatie vacuum heet gezete. 

Us vaste volgelinge höbbe ut natuurlijk wel gemerrek, t waor stèl. Te stèl..

Dat had en heet zoe zien oerzaake in ut feit tot ut leve soms get errug zwoer woort... en d'r helaas neet väöl vaan gezamelikke repetities vaan Vincent en Jean terech is gekaome.

Ut leek d'r zellefs eve op tot de pin drin gehowd zow weure, qua samewerking.

Dat is hel. Bikkelhel. Mer zoe zien veer neet! 

Vincent heet lang gehoop op verbetering vaan de situatie, mer heet in de tössetied toch nog de nuudige nuij leedsjes gesjreve. Jean heet zich eve miejer met zien gitaar bezig gehawwe es met ut same sjrieve en zinge. Behuurlik onregelmaotig höbbe Jean en Vincent wel nog gejamd en gitaarkinnis oetgewisseld, mer ZwoerVleis es zoedanig stoond dus op un errug zach pitsje. 

Doorgoon! Desondaanks heet Vincent al snel besloote um wie daan ouch de bougie brannende te hawwe en weijer te goon met ZwoerVleis. mer daan min of miejer in project vörrem. Zoe kin ZwoerVleis toch door, en diverse samenwerkinge  kinne daan meugelik zien. Ouch in de hoop tot aw sjeun gewoen weer goon loupe...

D'r is regelmaotig gespäöld met John Aldenhoven, geer kint häöm wel... Dat waore veural gitaarsessies, aofgewisseld met ZwoerVleis leedsjes vaan Vincent. Leuk. 

Toch is ut steeds miejer goon jeuke, veural toen John 6 weke de kloete op waor weges partner en ontroerend good verpliechtinge in de naozomer vaan 2017.

Gooj raodgevinge te euver: "de mos gewoen goon optrejje!", "gaangk noe gewoen get doen met die leedsjes!", "tis zun um neet nao boete te trejje" en miejer vaan dat soort good bedoelde aonmoediginge...

Wie zit dat noe met dee kogel? Allez, ut zit zoe: in dezen tied kinste neet um ut video en youtube fenomeen mie heen. Dat geld duudelik ouch veur ZwoerVleis, in welke vörrem daan ouch. Mono, Duo, Big Band, whatever...

Weurt vervolg... 

Loer heij

veur un compleet euverziech vaan alle ZwoerVleis oetgaves...



ZwoerVleis weurt oetgegeve bij BloodBak Meziek...


BloodBak is Dialekmeziek  met unne sjerrepe rand...

BloodBak Meziek is un collectieve oetgeverij vaan alternatieve dialekmeziek oet Limbörg met unne sjerrepe rand.... Veer zien muzikanten, leedjes sjrievers, beeldmakers en aander creatievelingen en veer koume oet Limburg.

BloodBak Meziek adviseert en oondersteunt artieste die dialekt gebruuke bij het produceren en verspreiden vaan hun werk.

Veurwat? Umtot veer vaan taol hawwe, en dialekte zien es zier interessante en volweerdige alternatieven veur de taol met ut leger en de wet aon zien kant! En daan natuurlijk zeker ut mestreechs...

 

Powered by BloodBak Design Team